27 აპრილს შპს საზოგადოებრივი კოლეჯი ამაგის ორგანიზებით გაიმართა შეხვედრა პრაქტიკის ობიექტის ხელმძღვანელებთან და დამსაქმებლებთან. პარტნიორი ორგანიზაციების წარმომადგენლებს სააფთიაქო ქსელებში და კოლეჯი ამაგის ინსტრუქტორებს გადაეცათ მადლობის სიგელები. ფარმაცია (სააფთიაქო) პროფესიული საგანმანათლებლო პროგრამის სტუდენტებმა წარადგინეს ჯგუფური პრეზენტაციები.
ფარმაცია (სააფთიაქო) პროფესიული საგანმანათლებლო პროგრამის ხელმძღვანელმა ქალბატონმა თამარ ელიკაშვილმა მადლობა გადაუხადა სააფთიაქო ქსელების წარმომადგენლებს (სს გეფა, შპს პსპ ფარმა, შპს გორიფარმი, შპს დიო, შპს საბა, შპს ავერსი, სააფთიაქო ქსელი ბარბარე და შპს იმპექსი) კოლეჯთან აქტიური თანაშრომლობისთვის და მომავალი ფარმაცევტების აღზრდაში შეტანილი წვლილისათვის.