შპს საზოგადოებრივი კოლეჯი ამაგის პროფესიული სტუდენტები 8 მაისს სასწავლო-შემეცნებითი ვიზიტის ფარგლებში იმყოფებოდნენ კომპანია „ავერსის“ ქარხანაში, სადაც გაეცნენ თანამედროვე საწარმოო პროცესებს, ხარისხის კონტროლის სტანდარტებსა და ფარმაცევტული სფეროს პრაქტიკულ ასპექტებს.
ვიზიტის ფარგლებში სტუდენტებმა ასევე დაათვალიერეს თბილისის ბოტანიკური ბაღი, სადაც ბუნების მრავალფეროვნებასა და ეკოლოგიური გარემოს მნიშვნელობას გაეცნენ.
ექსკურსიის დასასრულს მოინახულეს მცხეთის ჯვრის მონასტერი — ქართული კულტურისა და ისტორიის ერთ-ერთი უმნიშვნელოვანესი ძეგლი.
კოლეჯი ამაგი აქტიურად უწყობს ხელს პროფესიულ სტუდენტებს ცოდნის გაღრმავებაში, პროფესიული ხედვის გაფართოებასა და კულტურულ-შემეცნებითი გამოცდილების მიღებაში.