სასტუმრო Holiday Inn-ში გაიმართა კომპანია GEPHA-ს მიერ ორგანიზებული დასაქმების ფორუმი.

კოლეჯი წარმატებით თანამშრომლობს კომპანიასთან პროფესიული საგანმანათლებლო პროგრამის — „ფარმაცია (სააფთიაქო)“ — ფარგლებში, რაც სტუდენტებსა და კურსდამთავრებულებს რეალურ დასაქმების შესაძლებლობებს სთავაზობს. განსაკუთრებულად აღსანიშნავია, რომ კოლეჯის არაერთი კურსდამთავრებული წარმატებით დასაქმდა სხვადასხვა სააფთიაქო ქსელში.

ღონისძიების ფარგლებში, წარმატებული თანამშრომლობისა და პროფესიული განათლების ხელშეწყობაში შეტანილი მნიშვნელოვანი წვლილისათვის, კოლეჯი „ამაგი“ სპეციალური ჯილდოთი დაჯილდოვდა. აღნიშნული აღიარება კიდევ ერთხელ უსვამს ხაზს ეფექტიანი პარტნიორობის მნიშვნელობას.

მადლობას ვუხდით GEPHA-ს ნდობისთვის, მხარდაჭერისთვისა და იმ შესაძლებლობებისთვის, რომელსაც ჩვენი კურსდამთავრებულები ამ თანამშრომლობის ფარგლებში იღებენ.