30–31 ოქტომბერს, საგარეჯოში, საქართველოს კერძო კოლეჯების ასოციაციის მორიგი კოლეგიალური ვიზიტი გაიმართა, რომელსაც კოლეჯი ამაგის დირექტორი და ხარისხის მენეჯერი ესწრებოდნენ. შეხვედრის ფარგლებში მონაწილეებმა პროფესიული განათლების ხარისხის უზრუნველყოფის, სტუდენტთა მიღების პროცესში არსებული გამოწვევებისა და პროფესიული პროგრამების შეფასების საკითხებზე იმსჯელეს. ვიზიტი ასევე მოიცავდა კოლეჯებს შორის გამოცდილების გაზიარებასა და საუკეთესო პრაქტიკის გაცნობას.