10–11 ოქტომბერს საქართველოს კერძო კოლეჯების ასოციაციის ორგანიზებით მე-2 კოლეგიალური ვიზიტი გაიმართა თემაზე „ადამიანური რესურსების მართვა და განვითარება“, რომლის მასპინძლებიც იყვნენ საზოგადოებრივი კოლეჯი „ზუგდიდის აკადემია“ და კოლეჯი „ცხუმ-ეგრისი“.

ღონისძიებაში მონაწილეობა მიიღო მთელი ქვეყნის მასშტაბით 18 კოლეჯის 50-მდე წარმომადგენელმა. სესიების განმავლობაში განხილული იყო ორგანიზაციული სტრუქტურის მართვა, პერსონალის განვითარების პოლიტიკა და პროფესიული ზრდის თანამედროვე მიდგომები.

კოლეჯი ამაგი მადლობას უხდის მასპინძელ კოლეჯებს საინტერესო ვიზიტისა და საუკეთესო პრაქტიკის გაზიარებისათვის.

აღსანიშნავია ისიც, რომ საქართველოს კერძო კოლეჯების ასოციაციის წევრი შპს საზოგადოებრივი კოლეჯი ამაგის  დირექტორი სოფიო სუხიშვილი 25 სექტემბერს არჩეულ იქნა კერძო საგანმანათლებლო კოლეჯების გამგეობის წევრად და ეთიკის კომიტეტის ხელმძღვანელად.